Showing posts with label tootie of dzbb. Show all posts
Showing posts with label tootie of dzbb. Show all posts

Monday, August 12, 2013

Enzo Pineda, Nagdiwang ng kaarawan sa pamamagitan ng feeding program sa Alabang.


Kasama ng Unang Hirit crew, ay nagtungo ang inyong Yours Tootie sa Alabang Elementary School para saksihan ang birthday party ni Enzo nuong Sunday.

Isang feeding program nga ang inihanda niya para sa mga piling mag-aaral ng naturang paaralan.

Pinasaya ni Enzo ang mga estudyante sa pamamagitan ng pagbibigay ng regalo at sa inihandang mga pagkain.

Sinamahan siya ng kanyang mga kaibigan at kapuso stars na sina Steven Silva, Julian Trono at ang kanyang leading lady sa programang Kambal ni Eliana na si Kim Rodriguez.

Mahilig nga raw si Enzo sa mga bata, kaya naman personal choice daw niya na ibahagi ang kanyang blessings sa mga chikiting sa mismong kaarawan niya.



Samantala, totoo kaya na ang pinakamasayang birthday gift na natanggap ng  actor ay ang pagbabalikan nila ng dati niyang girlfriend na si Louise Delos Reyes?

Ayon kay Enzo, posibleng magkabalikan sila ni Louise, pero mas pinili nilang mag-focus muna sa kani-kanilang mga trabaho.

Hindi raw sila nagmamadali, basta ang mahalaga ay maayos daw ngayon ang kanilang relasyon, bagay na ayaw masira ni Enzo dahil sa magandang pinagsamahan nila.

Hiling naman ni Enzo sa kanyang Birthday ay magtuloy-tuloy pa rin na mabigyan siya ng proyekto sa Kapuso Netwok.

At sa katunayan ay parang natupad na raw ang kanyang  hiling.

Iyun ay dahil napasama siya sa bagong serye dito sa GMA na  Dormitoryo.




























PS. For more Showbiz Balita, Tune in lang sa Super Radyo dzbb 594KHZ, every Monday to Saturday 4:30 -5:00 (Umaga na, Balita na) and every Saturday sa programang Ladies Room 11:00-12:00NN.

Follow me also on twitter and Instagram;
@yourstootie

Friday, August 9, 2013

Rodjun Cruz, bagong pantasya ng mga becky dahil sa programang My husband’s lover.




Si Rodjun nga ang bagong character sa pinaka kontrobersyal at ang pinag-uusapang programa ngayon sa telebisyon na My husbands lover.

Ginagampanan niya ang papel na Martin, ang bagong love interest ni Erik (Dennis Trillo).

Ilang beses pa lang siyang lumalabas sa naturang programa ay nakatatanggap na siya ng mga positibong kumento mula sa mga netizen na talaga namang sumusubaybay ng MHL.

Dahil dito, marami tuloy ang nagkakandarapang mga becky kay Rodjun.


Kaya naman hindi nga raw makapaniwala ang actor sa mainit na pagtanggap sa kanya ng mga manunuod.

Sabi ni Rodjun, “isang malaking blessing po ito, kasi nagulat din po ako sa response ng mga tao na kumbaga, di ba? “Siyempre, ang tagal ko na rin pong hindi lumalabas sa soap, tapos paglabas ko, parang ang ganda po agad ng mga sinasabi sa Twitter, sa Instagram”

Kaya naman masayang ikinuwento ni Rodjun sa inyong Yours Tootie ang kanyang pagpasok sa naturang programa.

Nang tawagan daw siya ng kanyang Manager na si Leo Domiguez, ay hindi na raw sila tumanggi pa sa offer.

“Nagulat ako nung sinabihan ako ni Sir Leo kung pwede ako maging part ng My Husband’s lover, sobrang nakakatuwa kasi number one show yan ngayon, halos lahat nanunuod niyan.” Ani ni Rodjun

At kung magkaruon man daw ng mga intimate scene sa My husband’s lover ay handa rin niya itong gawin.

Ayon kay Rodjun…“ Gusto ko yung mga challenging role, ilang taon na rin ako sa showbiz, so madami akong gustong gawin para makita rin ang versatility ko as an actor”

Laking tuwa din ng napakagwapong Aktor na makatrabaho sina Dennis Trillo, Tom Rodriguez at Carla Abellana.

Kaya naman marami pa raw ang aabangan sa kanya sa My husband's lover.

Pero hindi kaya natatakot si Rodjun na mapagkamalan siyang bakla?

Ayon sa kanya. “kilala ko po sarili ko at alam ng family at friends ko na lalaking lalaki po ako”.



PS. Para sa iba pang Showbiz Balita, tune in lang po sa Super radyo DZBB 594khz every Monday to Saturday 4:30-5:00 at Every Saturday 11:00 -12:00NN.

Follow me also sa twitter;
@yourstootie





Thursday, August 8, 2013

Jeric Gonzales at Thea Tolentino, magbibida sa isang programa ng Kapuso network.


Bumisita kanina ang kapuso teen-star na  sina Thea at Jeric sa programang Walang Siesta ni Kuya Germs sa Super Radyo DZBB.

At dahil may pinuntahan si Kuya Germs ay ako muna ang humalili sa kanyang programa kasama ang kanyang mga Badingdings.

PYRA, ang babaeng apoy- pangalan palang ng programa ay tila umaalab na.

Matapos manalo sa Artista reality show na Protégé ay ito na ang big break na hinihintay nina Jeric at Thea.

“Sobrang honor, kasi last year lang natapos yung protégée kaya sabi ko, ito na talaga ang big project ko.” Ani ni Thea.


Blessing naman para kay Jeric ang Pyra.

Ayon sa napakagwapong kapuso actor… “Masaya at nabigyan kami ng break at kami pa rin ni Thea ang magkasama.

Ang Pyra ang ikatlong proyektong gagawin nina Jeric at Thea sa kapuso Network.

Una silang nagtambal sa TeenGen at kasali rin sila sa Love and Lies.

Ibang Jeric at Thea nga raw ang aabangan ng ating kapuso sa naturang programa.

Hindi na nga raw sila patweetums ditto kundi makikita raw sa Pyra ang galing nila sa heavy drama.

Kaya naman panay na ang workshop ngayon nina Jeric at Thea.

Pero teka, dahil lagi silang magkapareha, hindi kaya nagkakadevelopan na ang dalawa?

Ayon kay Thea.. “Mas nagiging close nga kami ngayon ni Jeric, pero mas iniisip namin yung mga sinasabi ng mentors namin na talagang career first kasi nagsisimula pa lang kami at yang lovelife na yan tsaka na kapag mahusay na kami.

Nuong August 7 ay ang ika-dalawampu’t isang kaarawan ni Jeric, ano kaya ang regalo sa kanya ni Thea?

“Dapat sasama ako kagabi, isusurprise namin siya sa bahay nila sa Laguna,. Kaso may taping ako, pero pag-iipunan ko pa lang ang regalo ko sa kanya para maganda”  Ang tugon ni Thea.

Wish naman ni Jeric sa kanyang Birthday …“Sobrang blessed na ako dahil may bago na akong project at siympre good health sa akin, sa family at sa lahat ng nagmamahal sa akin.”

At dahil sa August 13 naman ang birthday ni Thea, may regalo din si Jeric pero secret na lang daw muna.

Kapansinpansin din kay Jeric ang pagganda ngayon ng kanyang katawan.

Sa huli niya kasing programa ay talaga namang mapapansin na majubis ang kapuso actor.

Kaya naman nuong wala siyang ginagawang project ay nagfocus daw talaga siya sa pagpapapayat.

“nagbabasketball ako , tatlong beses sa isang linggo and in between gym at  siyempre discipline and diet.-Jeric

Sa August 26 na nga mapapanuod ang Pyra, ang babaeng apoy sa afternoon prime ng GMA network.


Twitter Post:
ung first screen,lagyan ng caption,hehehe sweet lang-soon in  .


PS. for more Showbiz Balita, tune in sa Super radyo DZBB 594KHZ, every Monday to Saturday 
4:30 - 5:00 and every Saturday 11:00-12NN.

Follow me also sa twitter and instagram:
@yourstootie


Wednesday, August 7, 2013

Christian Bautista, nagkakamabutihan na nga ba sila ng kanyang leading lady sa programang With a smile na si Andrea Torres?


Tinutukso nga si Christian ngayon kay Andrea matapos ang balitang hiwalay na iyun sa kanyang Singaporean Girlfriend na si Carla Dunarea­nu.

Nang makausap ng inyong Your’s Tootie si Christian ay sinabi nitong hindi niya muna iniisip ang kanyang buhay pag-ibig.

Ayaw din niyang mag-kumento sa mga pahayag ni Andrea na may posibilidad na magustuhan siya nito.

Nang makausap ko kasi si Andrea ay sinabi niyang tipo raw niya ang mga katulad ni Christian Bautista.


Sabi ni Christian, basta sa ngayon ay ini-enjoy nila nina Andrea at  Mikael Daez ang kanilang programa.

Lalo nga raw nilang pinagbubutihan ang kanilang trabaho para lalong tangkilikin ng publiko ang With a smile.

At sa katunayan, pakaabangan din daw ang mga bagong character na papasok sa naturang programa.

Eentrada kasi sa With a smile ang mga Kapuso nating sina Max Collins at Sam Pinto.

Napre-presure ba siya sa rating ng kanilang programa?
Hindi naman daw na-pre-presure si Christian pagdating sa ratings ng with a smile.

Aniya “im doing this for my friends and to my co-workers not for the ratings”

To work with his ex-girlfriend
Willing din si Christian na makatrabaho sa isang proyekto ang dati niyang kasintahan na si Rachelle Ann go.

“With the right project, why not kasi ayaw ko namang gagawa kami ng proyekto kasi may something sa amin” pahayag ng napakagwapong Kapuso Singer/Actor.


PS. para laging updated sa Showbiz Balita, makinig sa Super Radyo DZBB every Monday to Saturday 4:30-5:00

At ladies room every Saturday 11:00 - 12NN

Follow niyo rin ako sa twitter at Instagram 
@yourstootie




Friday, July 19, 2013

Kapuso Stars, wagi sa 2013 Yahoo OMG Award

 Nagningnging kagabi ang ilan nating kapuso stars sa 2013 Yahoo OMG Award na ginanap sa MOA Arena sa Pasay City.

Sa pinagsamang online at text vote na ginawa sa loob ng mahigit isang buwan ay pinangalanan na nga kagabi ang mga nanalo sa ibat-ibang kategorya.

Ang ilang awards ay naiuwi ng ilan nating kapuso stars.

Humakot ng award ang longest running noontime show sa bansa na Eat bulaga.

Ang naturang programa ang nakasungkit sa Best Noontime show at si Bossing Vic Sotto naman ang itinaghal na favourite TV Host of the year.

Si Aling maliit at kapuso child wonder na si Ryzza mae Dizon ang itinangghal na Child Star of the year.

Si Ryzza ang tumanggap ng award ng Eat Bulaga at ni Bossing Vic Sotto.

Sa speech ng cute na cute na si Ryzza ay nagpasalamat siya sa lahat ng bumoto sa kanya sabay sambit ang kanyang linyang, “Bawal ang sad, dapat happy”.

Naiuwi rin ni Eugene Dominggo ang Comedienne of the year, ito na ang ikatlo niyang tropeyo para sa naturang kategorya.

 Masuwerte rin ang kapuso loveteam na sina Elmo Magalona at Julianne Sanjose o Juliemo.

Sila ang itinanghal na Male and Female performer of the year at maging ang kanilang fan club na Julimo Pexers ay wagi rin bilang fan club of the year.

At siyempre nangibabaw sa lahat ng award ay ang yahoo OMG Celebrity of the year.

Ito ang highlight ng naturang parangal na kung saan si FHM sexiest girl in the world na si Marianne Rivera ang itinanghal sa naturang kategorya.

Naka tsikahan ko nga si Marianne sa red carpet ng yahoo OMG at masaya ito dahil sa pagpili sa kanya bilang celebrity of the year.

Ika nga niya, gamitin ang social media sa positibong bagay at hindi para siraan ang kapwa.

Maliban sa mga kapuso star ay wagi rin ang FM flagship radio station ng GMA Network na Barangay LS 97.1, “tugs tugan na!

Ito na ang ikalawang taon na nanalo ang Barangay LS para sa kategoryang, Best FM Radio station of the year.

Nagperform naman sa Yahoo OMG award ang ilan nating kapuso.

Sumaway at kumanta ang Kapuso Covergirls leading ladies na sina Solen Heusaf at Lovie Poe.

Nagduet naman ang dating magkasintahan na sina Christian Bautista at Rachelle ann Go.

Nag handog din ng awitin ang kapuso RNB singer na si Kriss Lawrence at sina Julianne Sanjose at Elmo Magalona.

Nagsilbing presentor din ng awards sina Boypick-up himself Ogie Alcasid, Tim Yap at Bea Binene.

Narito ang buong listahan ng mga nanalo sa Yahoo OMG award 2013.

OMG! Actor of the Year : Coco Martin
OMG! Actress of the Year : Angel Locsin
OMG! Breakthrough Actor of the Year : Enrique Gil
OMG! Breakthrough Actress of the Year : Kathryn Bernardo
OMG! COmedian of the Year : Vice Ganda
OMG! Comedienne of the Year : Eugene Domingo
OMG! Male TV Host of the Year : Vic Sotto
OMG! Female TV Host of the Year : Toni Gonzaga
OMG! Male Performer of the Year : Elmo Magalona
OMG! Female Performer of the Year : Julie Anne San Jose
OMG! Celebrity of the Year : Marian Rivera
OMG! Male DJ of the Year : Papa Jack (Love Radio 90.7)
OMG! Femal DJ of the Year : Nicole Hyala (Love Radio 90.7)
OMG! Best Radio Show of the Year : Tambalan (90.7 Love Radio)
OMG! Best FM Radio Station of the Year : Barangay LS 97.1
OMG! Fan Club  of the Year : JuliElmo Pexers
OMG! Movie of the Year : It Takes A Man And A Woman
OMG! Love Team of the Year : Kim Chiu
OMG! Love Team of the Year : Xian Lim
OMG! Child Star of the Year : Ryzza Mae Dizon
OMG! Best Noon Time Show of the Year : Eat Bulaga
OMG! Best Teleserye of the Year : Ina, Kapatid, Anak
OMG! Best News and Public Affairs Show of the Year : TV Patrol




















Wednesday, July 17, 2013

Mark Herras, tikom pa rin ang bibig sa dahilan ng hiwalayan nila ng kanyang girlfriend na si Ynna Asistio.



 

no copyright infringement intended

Nakausap ko si Mark nuong Sunday, pero nakiusap siyang huwag munang pag-usapan ang tungkol sa break-up nila ni Ynna.

Sa ngayon daw ay maayos sila ng dating niyang kasintahan at maging sa ina nitong si Nadia Montenegro.

Ayaw daw ni Mark na pag-usapan sa publiko ang kanilang hiwalayan, dahil ayaw niyang masira ang pag-aaral Ynna.

Ayon kay mark…“si Ynna ay focus sa pag-aaral niya at ako naman sa aking trabaho kaya ayaw naming pag-usapan ang aming hiwalayan dahil masyado kaming pagpi-piyestahan ng media”

Pero habang tumatakbo ang panyam ay pasundot-sundot din na sinasagot ni Mark ang tanong na may kinalaman sa hiwalayan nila ni Ynna.

Nilinaw ni Mark na walang money involved sa kanilang break-up at nagkausap na rin sila ni Nadia Montenegro.

“Nag-usap kami ni Tita Nadj. [Nadia Montenegro] lahat okey kami. Walang money or barkada involved” saad ng aktor.

At gaya ng pahayag ni Ynna sa blog ni Darla Sauler ay susuportahan din niya ang dati niyang kasintahan.

Sinabi ni Ynna kay Darla na susuportahan niya si Mark.

At gaya ni Mark, hindi rin sinabi ng anak ni Nadia ang dahilan ng kanilang hiwalayan.

Samantala, Hindi rin daw galit o nagtatampo si Mark kay Kylie Padilla.

Napabalita kasing si Kylie ang nagbigay ng clue kung bakit nalaman ng publiko ang tungkol sa hiwalayan ng dalawa.

Sa katunayan habang kausap ko si Mark ay dumating si Kylie at nagyakapan pa sila.

“hindi-hindi [ako nagtatampo], alam ko naman dapat na iba ang personal sa trabaho, alam kong lahat naman kami mayruon kaming pinagdadaanan.

Pero ang tanong, may posibilidad kaya na magkabalikan sina Mark at Ynna?

Ayon kay Mark…

“May posibilidad, pero sa ngayon ay focus muna ako sa trabaho at ganun din si Ynna sa kanyang pag-aaral”

Kaya naman wala raw oras si Mark para makipagdate sa ibang babae.

“focus ako sa trabaho yun lang, final, trabaho muna ako”

Samantala may bagong soap opera na gagawin si Mark sa Kapuso Network.

Ayon kay Mark, wala pa siyang detalye, pero baka sa August daw ito ipalabas

Willing naman si Mark na makatrabaho muli ang dati niyang kasintahan na si Jennylyn Mercado.


PS. for more Tootie-intriga, makinig po tuwing Lunes hanggang Saturday, 4:30 at Ladies Room every Saturday, 11:00-12:00 NN sa Super Radyo Dzbb 594KHZ. or maaari rin kayong makinig via online streaming http://www.gmanetwork.com/radio/streaming
follow me on twitter and instagram @ilokanonggwapo



Sunday, July 14, 2013

TIPS PARA LAGING GANADO SI LABIDABS SA LABING-LABING!

TIPS PARA LAGING GANADO SI LABIDABS SA LABING-LABING!

Minsan sa isang relasyon o mag-asawa ay hindi maiiwasang magduda lalo na kung wala ng panahong maki-pag make love si labidabs, lagi nalang dahilan- “pagod ako sa trabaho”, “walang time”, “stress ako”, kaya walang katapusang pagdududa ang kinalabasan.

Kaya narito ang aking tips para ang bad vibes, mapalitan ng good vibes- para on the go sa labing labing si labs!

Para sa mga BABAE; para umuwi ng maaga si mister ay huwag mo siyang pagtatalakan o aawayin bago umalis sa bahay.

Para sa mga LALAKI; kung may gimik ang barkada, tignan ang oras para pag-uwi sa bahay may time ka pa kay misis.

Kung meron man sari-sariling lakad, sabihin na nang maaga ang balak, hindi yung saka kana lang magpapaalam kung andun kana sa gusto mong pupuntahan.

Explore hotels and Motels na magiging exciting para sa mag-asawa.

Para sa mga BABAE; mag–lap dance, Sayawan si mister , parte yan ng pakikipag-make love.

para excited umuwi sa trabaho, maglandian kayo sa text, yung tipong papalibugin mo siya para kayong dalawa ay uwi agad, mainit init ika nga!

Sa maga BABAE, magsuot ng mga daring na damit, yung bang nakakaakit at magpabango ng nakakaseduce na parang mababaliw na saiyo si labs.

Para kay mister kung gustong laging galit ang sandata, wag pagurin ang sarili sa trabaho para pag uwi sa bahay andun pa rin ang 100 percent na lakas at sexual desire ng katwan.

At para hindi na maghanap ng iba at hindi hanapin ang sinasabing sexual compatible sa iba, dapat ibigay parati ang to the highest level na performance.



PS. laging makinig ng programang Ladies room sa super radyo dzbb 594 khz, maaari rin makinig via online streaming http://www.gmanetwork.com/radio/streaming.
follow me also in twitter and instagram @ilokanonggwapo

Monday, July 8, 2013

Alden Richard, Handa ng magpa-sexy?


“May pinaghahandaan ako today, na may kinalaman sa kaseksihan, malalaman niyo rin this year” 
HANDA NA BANG MAGPA-SEXY SI ALDEN RICHARD?



Talagang mabait itong kapuso heartthrob na si Alden Richard dahil walang       kakeme-keme nang hinila namin siya para makapanayam nuong Sunday sa backstage ng Sunday all Star.

Game parati at magiliw si Alden sa tuwing nakakapanayam namin.

Ikinatuwa ni Alden ang resulta sa ginawang poll ng isang magazine.

Siya kasi ang nanguna sa botohan sa sexiest man category, kaya naman laking pasasalamat ng actor lalong lalo na sa Aldenatics.

Ani ng napakagwapong si Alden…
 “I’m very thankful sa chance of being a part of that category.

“and of course sa Aldenatics po who continue to vote, kasi that’s based on Internet voting.

“Kung hindi sa fans, lalo na sa Aldenatics, hindi naman po ako mananalo.

“So, thank you. I feel honored and proud po.”

At dahil siya ang nanguna sa poll, feeling ba ni Alden sexy siya?

“Getting there, since tumatanda na po ako kailangang mag-venture into a new image para maiba naman ang branding sa tao, kasi tapos na ako sa pa-sweet, pa tweetums, siguro ngayon more mature more daring”.  saad ni alden

At pati sa pagsagot sa aming tanong kung ano ang kahulugan niya ng kaseksihan ay parang sumasagot sa beuty pageant itong si Alden.

Sabagay dati na pala siyang sumali sa isang pageant sa Laguna.

Ayon kay alden, ang kahulugan niya ng sexiness ay …. Sexiness comes from inside. Kasi kung sexy ka inside, sexy ka outside. It’s more of ano… the qualities you have. Na siguro it’s based on attitude din. And at the same time, yung physical body, yung panlabas is just a bonus. It’s more on how you carry yourself outside.”

Samantala, nagsimula na siyang mag-shooting para sa pelikulang 10,000 hours na official entry sa 2013 Metro Manila Film Festival.

Ang naturang pelikula ay tungkol sa buhay ni Senador Ping lacson.

 Si Alden ang gaganap na batang Lacson at si Robin Padilla naman ang gaganap sa present life ng naturang Senator.

Kailangan daw nilang matapos lahat ng eksena dito sa Pilipinas bago  mag August.

Tutulak daw kasi sa Amsterdam ang production ng 10,000 hours kasama si Robin Padilla sa darating na buwan ng Setyembre.

Pero yun nga lang hindi kasama sa naturang bansa si Alden.


PS. for more Tootie-intriga, makinig po tuwing Lunes hanggang Saturday, 4:30 at Ladies Room every Saturday, 11:00-12:00 NN sa Super Radyo Dzbb 594KHZ. or maaari rin kayong makinig via online streaming http://www.gmanetwork.com/radio/streaming
follow me on twitter and instagram @ilokanonggwapo

Monday, October 8, 2012

MGA SIMPLENG BAGAY NA IYONG MAGAGAWA NA NAKAKATULONG SA KAPWA


Sabi nga ng isang sikat na kasabihan, its better to give than to receive.
ang konting bagay pag nakatulong ka sa iyong kapwa na bukal sa iyong puso ay pinagpapala, ika nga.

Narito ang ilang tips na maaari niyong Gawain na makatulong sa kapwa.

Maging responsable sa kapaligiran at inyong mga kasamahan.

Bawal ang makalat- kung ikaw ay matinong tao ang iyong basura ay ibulsa mo nalang kasi kapag itinapon mo yan sa kalsada, kawawa naman ang mga MMDA na nagwawalis hindi po ba?

Bawal maingay- nakakairita ang maingay hindi ba? Para makatulong sa kapwa at hindi mabasag ang kanyang ear drum, huwag mag ingay kung hindi naman necessary.

Centimo pag pinagsama-sama malaking biyaya- wag itapon ang mga isinukli sa iyo sa mga mall na 5 cents 10 cents bagkus ilagay yan sa bote ipunin mo, pag marami na I donate sa mga nangangailangan, dahil pag pinagsam-sama nakakatulong yan sa kapwa.

Palimus po!- kapag may namamalimos, bahala ka na kung magbigay ka ng pera pero mas maganda kung pagkain para matiyak mo sa tiyan mapupunta.

Be safe; sa mga lokong asawa na maraming sex partner, naku tumino napo kayo, pwede ring mag suot ng condom o kaya makontento kayo sa partner niyo para makatulong kayo na hindi kumalat ang mga nakakahawang HIV at Aids

Usok nakakasulasok: mga ateng nakakaasar yung mag-cocomute ka diba? Sasakay ka sa humaharurot na sasakyan na nagbubuga ng maitim na usok, para makatulong ka sa mga commuter, ipa-emission test ang inyong vehicle, nakakatamad kaya maglinis ng ilong kasi maitim na dahil sa usok.

Bawal ang kabit; naku huwag manggulo sa buhay ng may asawa, bukod sa nasa ten commandments, bawal rin yan sa batas. Para makatulong kayo sa kapwa na hindi makasira ng pamilya ng iba, maghanap ka na lang ng aso at iyun ang alagaan mo at ibigin mong tunay.

Abuloy sa simbahan, sinasabi ng ilan na ang pagbibigay ng abuloy sa simbahan ay makakatulong sa programa ng simabahan at ayon sa mga naniniwala magiging triple ang matatanggap mong grasya.

Ang pagdadasal ang pinakamabisang paraan para makatulong sa iba, ipagdasal ang may sakit, ang may problema, ang mga kurakot na pulitiko ang mga closset queen na lalaking artista, mga nagmamalditang kapitbahay, kalusugan ng bawat isa at kapayapaan sa bansa.

Kaaway man ang turing sa iyo ng ilan pero suklian mo iyun ng dasal, asahan mo ikay pagpapalain!

Friday, October 5, 2012

PARA KAY MADAM AT SIR



AKO’Y NATUTUWA SA ISANG KATULAD MO
DAHIL SIMULA NG BATA PA AKO’Y- IKA’Y AKING IDOLO
ARMAS MO’Y CHALK AT BALA MO’Y TALINO
BAON MO YAN ARAW-ARAW PARA KAMI AY MATUTO.

SA PAARALAN SILA ANG NAGSILBI NAMING PANGALAWANG TAHANAN
KAYA NAGING TIWALA SA INYO ANG AMING MAGULANG
KAYA ANG INYONG SERBISYO HINDI MAPAPANTAYAN.
MAGING ANG INYONG PAG-TUTURO, HINDI RIN MATATAWARAN.

ARAW-ARAW SILANG NAKATAYO.
LAWAY ANG PUHUNAN AT KAALAMAN ANG KANILANG PANLABAN.
HINDI NAGREREKLAMO KAHIT SALAT SA SWELDO.
PATI MURANG PABAHAY NA HINDI MAIBIGAY NG GUBYERNO.

SINASABI NILA, SI MADAM AY MASUNGET.
NAMIMINGOT, NAMAMALO -  KAYA NAMAGA ANG AKING PWET.
HINDI KO IYUN DINAMDAM DAHIL LIKAS NA AKONG MAKULET.
SIMULA NG BATA PA AKO AT AKO’Y MALIIT.

AKOY NAGPAPASALAMAT SA AKING MGA BUTIHING TITSER.
DAHIL AKO’Y NAGING ISANG NOT YET SO FAMOUS NA BROADCASTER.
MGA TITSER KO NUNG COLLEGE, HIGH SCHOOL AT MAGING NUONG KINDER.
NANG DAHIL SA INYO, GINAGALANG NA RIN AKO AT TINATAWAG NANG SER.

MADAM/SIR NA NAGSILBI NAMING PANGALAWANG MAGULANG
MARAMING SALAMAT SA MGA IPINUNLA NINYONG KAALAMAN.
MAMATAY MAN KAYO SA MUNDONG IBABAW.
HINDI-HINDI KAYO MAWAWALA SA AMING MGA ISIPAN.

ARAW-ARAW KO KAYO’Y AKING PASASALAMATAN.
KAYA NAMAN ALAY KO’Y ISANG MALUTONG NA PALAKPAKAN.
DAHIL ARAW ITO NG ATING MGA MINAMAHAL NA GURO
FOREVER KO KAYONG BIBIGYAN NG SINSERONG SALUDO!



HAPPY TEACHERS DAY SA LAHAT NG AKING MGA GURO

SAN ANTONINO DAYCARE CENTER
KINDER- Ma'am Nolasco

CULALABO ELEMENTARY SCHOOL
Grade 1: Marilyn natividad
Grade 2: Susan Lapeña
Grade 3: Ma'am Edu
Grade 4: Lorna Pallaya
Grade 5: Marivic Mateo
Grade 6: Virgiña Caratiquit

SAIT PETER'S ACADEMY
1st year: Jenelyn Decena
2nd Year: Charito Abrogena
3rd Year: Violeta Talana
4th Year: Leah Carungi 
Mia Leones
Emerson Lucas
Edgar Lozada
Fr. Allan Bert Pascual

PERPETUAL HELP COLLEGE OF MANILA
Celso Sulit
Allan Encarnacion


PS 
follow me on twitter
@yourstootie

like us on facebook


Saturday, September 29, 2012

TIPS PARA HINDI MASAKTAN NG BONGGA, KAPAG NABIGO SA PAG-IBIG


Mahirap Makontrol ang sarili lalo na sa mga first-timer na pumasok sa relasyon- kaya ang dapat gawin, CONTROL YOUR SELF.

OO, masarap magmahal, pero kapag nasaktan, ouch nga naman, kaya ang dapat- huwag ibuhos ang iyong 100% na love, mag-tira ka sa iyong sarili.

Respeto- magrespetuhan kayo pareho, kasi if you love the person, you should respect him/her too.

PRIVACY, hindi lahat ng bagay ay dapat mong malaman tulad nalang ng password sa Facebook at twitter, wag din pakialamanan ang kanyang cellphone, dahil pag may nabasa ka na iba, talagang mag-dududa ka at masasaktan.

Mahirap kumain ng JELLY-ACE at maging kapatid ni JELLY DE BELEN, for short, iwas-iwasan ang pag JEJELY or SELOS ng wala namang katuturan, kasi magsasawaan lang kayo kung laging selos ang umiral.

Mahirap kalimutan yung taong minahal mo ng todo-todo, pero mas masakit kalimutan ang inyong pinagsamahan. Kaya dapat itaga sa kokote, past-is-past, tulungan ang sarili na kalimutan na siya at move-on.

Tanggapin sa sarili na iniwan ka na niya, you’re a looser, pero hindi mo kailangang maghiganti dahil lalo ka lang masasaktan.

Ang buhay ay parang ilog, umaagos, therefore life is goon, live to the fullest, you don’t need to hurt your self, kasi na hurt na nga feelings mo, pati pa ba sarili mo?

Tandaan, pag pumasok sa relasyon, para kang nasa Quiapo ika nga ng linya ng isang pelikula… maraming stranger, maaagawan ka, kaya dapat paghandaan.

Hindi ka masasaktan o mabibigo sa pag-ibig kung tapat ka sa iyong sarili, laging tandaan, Put God always in the center.

ASAL- Ang Sa Akin Lang
OO, masarap magmahal, pero lahat tayo ay dadaan sa matitinding pagsubok, nandiyan ang pighati at pagkabigo na maaaring maapektuhan ang emosyonal at physical ng isang tao.

Normal po ang masaktan at masawi, pero hindi  po normal ang mag-pakamatay at pumatay ng dahil lamang sa pag-ibig.

Kaya narito ang aking tips na sana ay makatulong sa inyo para kapag nabigo sa pag-ibig ay may konting kaalaman na kayo kung paano i-handle ang sarili kapag nabigo sa pag-ibig!

PS:
Follow me on twitter
https://twitter.com/ilokanonggwapo

Follow me on Tumblr
http://ilokanonggwapo.tumblr.com/

Follow us on Ladies Room 
http://www.facebook.com/pages/Ladies-Room/137501756299195?ref=hl

Friday, June 15, 2012

HAPPY FATHER'S DAY


narito po ang kabuuan ng aking binasa sa programa kanina... para ito sa lahat ng tatay...


PARA KAY ITAY

NUONG AKOY BATA PALAMANG, DAMANG-DAMA KO NA ANG IYONG PAGMAMAHAL.
INARUGA MO AKO AT INALAGAAN AT INILAYO SA KAPAHAMAKAN.

WALANG ARAW NA HINDI MO AKO HINANAP, TINATAWAG MO AKING PANGALAN.
RAMDAM KO ANG IYONG PAG-ALALA DAHIL IKAW AY TUNAY NA NAGMAHAL .

HABANG AKOY LUMALAKI, IKAW ANG AKING NAGING KAKAMPI.
TINURUAN AT GINABAYAN PARA AKOY ISANG MAGING MABUTING NILALANG.

SA TUWING AKOY NAIINGIT, PAG-IBIG MOY HINDI IPINAGKAIT.
DAHIL SABI MO NGA, HINDI LAHAT NG BAGAY AY AKING MAKAKAMIT.

KAYA NAMAN PAYO MO ITAY AY AKING NAGING GABAY.
KAYA SA AKING PAG-LAKI, PANGALAN MOY AKING IPINUPUGAY.

----
AKOY NALULUNGKOT NUON SA AKING MGA KAMAG-ARAL
IKINAKAHIYA NILA ANG KANILANG MGA TATAY.
SABI NG ISA...MAGSASAKA LAMANG DAW SILA
SABI NAMAN NG ISA...STRIKTO RAW ANG KANYANG ITAY.

PERO ANG SABI KO SA KANILA, HUWAG IKAHIYA ANG KANILANG PADRE DE PAMILYA.
DAHIL NI MINSAN, HINDI KA NILA IKINAHIYA.
OO , STRIKTO MAN SILA PERO GUSTO KA NIYANG MAGBAGO.
PARA PAGLAKI MO, IKAW AY ISANG MAGING MABUTING TAO.

---
ANG AKING TATAY NAGIGISING ALAS KWATRO PALANG NG MADALING ARAW.
TINANONG KO SIYA, TAY BAKIT ANG AGA MO MAGISING?
SABI NIYA, ANAK PUPUNTA SA BUKID PARA MAYRUON TAYONG MAISAING.

HABANG LUMILIPAS ANG PANAHON, NARARAMDAMAN KO ANG PAGOD NI ITAY.
MAGHAPON SA BUKID, NAKABILAD SA GITNA NG ARAW.
KAYA SINABI KO SA AKING SARILI, MAG-ARAL AKO NG MABUTI.
PARA SA AKING PAGLAKI...TATAY KOY MAPAPANGITI.

 BAGONG BAYANI ANG TATAY NG AKING KAIBIGAN.
YAN ANG BANSAG NATIN SA MGA O-F-W NATING KABABAYAN
PERO HIGIT PA SA BAYANI ANG MGA TATAY NA UMAALIS SA BANSA PARA MAGTRABAHO.
BITBIT ANG PANGARAP NA MAKAKAAHON SA HIRAP AY KAPALIT NAMAN AY MATINDING PANGUNGULILA AT PAGSISIKAP.



IPINAGMAMAYABANG NG AKING KALARO NA ANG KANYANG TATAY AY HANDANG LUMABAN PARA SA BAYAN.
PAANO NAMAN KASI, ISA IYUNG MAGITING NA SUNDALO.
MGA SUNDALONG, PUPOPROTEKTA HINDI LAMANG SA KANILANG MGA PAMILYA KUNDI SA ATING BANSA.
HANDA NILANG  BUWIS ANG BUHAY PARA LAMANG MAILAYO TAYO SA KAPAHAMAKAN.
GANYAN ANG MGA TATAY, HINDI UMUURONG SA KAHIT ANUMANG LABAN.

PULIS PULIS PULIS.
ANG TATAY NG CRUSH KO NOON AY PULIS.
KASANGA NG BATAS, KALABAN NG MANDURUGAS.

SA TUWING PUMAPASOK AKO SA ESKWELA, SILA ANG AKING KASAMA.
MAMA, MAMA PARA, DIYAN LAMANG SA TABI.
SI MAMANG TSUPER NA PAWIS NA PAWIS SA PAG-KABIG NG KANYANG MANIBELA.

SA MAGHAPONG PAMAMASADA, KALABAN NILA AY PANANAKIT NG KATAWAN AT DISGRAYA.
HINDI NILA IYUN INALINTANA PARA LAMANG MAY MAIPAKAIN SA PAMILYA.

TATAY, AMA, DADA, DADDY, FATHER, PAPA, IDDU, ITAY AT PUDRA.
ANUMANG TAWAG NATIN SA KANILA.
SILA ANG BAYANI NG ATING BUHAY.
HINDI MATATAWARAN ANG KANILANG PAGSISIKAP AT PAGSASAKRIPISYO PARA LAMANG TAYO AY MABUHAY.

KAYA NAMAN TATAY KO NA AKING KAIBIGAN.
TATAY KO NA LAGI KONG SINASANDALAN.
TATAY KO NA LAGI KO NUONG KALARO.
TATAY KO NA TAGAPAYO.
TATAY KO NA MAPAGMAHAL.

NAGING MATIGAS MAN ANG ULO NAMIN MINSAN.
HINDI NAGING MATIGAS ANG AMING PUSO –PARA IKAY LAGING PASALAMATAN.
SA ARAW NA ITO, AT SA PANG-ARAW-ARAW
LAGI KONG SASABIHIN...
TATAY, IKAW ANG BAYANI NG BUHAY KO.
I LOVE YOU HAPPY FATHERS DAY