Kapuso covergirl , model actress Solen Heussaff, game ding makipaghalikan sa kapwa niya actress?

Naging usap-usapankamakailan ang Instagram post ng magpinsang Isabelle Daza at Georgina Wilson. Sina Isabelle at Georgina ay matalik na kaibigan ni Solen Heussaff.
"Hindi dapat gawing issue ang pakikipaghalikan sa kapwa babae"- Solen Heusaff

Nuong nakaraang linggo ay nakausap ko ang leading lady ng pinag-uusapang teleserye na My husbands lover na si Carla Abellana.

At nang tinanong ko kung “what if magkaruon ng girl version ang My husband’s lover”- gagawin niya ba ito?

Walang kagatol-gatol nuon si Carla at sinabing bakit daw hindi!

Game din daw siyang makipaghalikan sa kapwa niya babae sa pelikula basta raw kasing ganda ng isang Solen Heusaf….

Kaya kahapon ay hinunting ko si Solen sa kanyang dressing room sa Sunday All Star para hingan ng reaksyon kaugnay sa pahayag na iyun ni Carla.

Tanong ko agad kay Solen, game din ba siyang gumawa ng isang pelikula na may temang magkarelasyon ang babae at babae at magkaruon ng kissing scene sa kapwa niya babae?

Tugon ni Solen..

“Why not, acting naman, tapos maganda si Carla, super blooming pa ngayon, game naman ako.

Eh ang makipag-halikan sa kapwa niya babae?

Sagot ni Solen…Hindi ko na paghahandaan [ang kissing scene], mabilis lang naman mag-kiss ehh”

Hindi naman daw namimili ng role si Solen, kung ano ibigay sa kanya ay tatanggapin niya ito at pag-aaralan.

“Diba kapag actress ka, dapat papayag ka sa kung anong role na ibibigay sa iyo, challenging din [yung role na ganun], so mag-eevolve din ang acting skills mo, so kahit ano mapunta [na role] sa akin, game naman ako para may challenge talaga” dagdag pa ng kapuso actress.

Samantala, magiging abala na ngayon si Solen sa shooting ng GMA Teleserye na Akin pa rin ang bukas.

Pagbibidahan ito nina Lovie Poe, Cesar Montano at Rocco Nacino.

Makakasama rin sa naturang teleserye ang Veteran Actress na si Helen Gamboa at ang konsehala ng Valenzuela na si Charee Pineda.

Bukod sa teleserye ay may ginagawa ring pelikula si Solen, ang “Its complicated.

Makakasama niya rito sina Eugene Domingo, Paulo Avelino, Maja Salvador at Jake Cuenca.

Naikwento rin sa akin ni Solen na nag-audition siya para sa isang indie movie, pero tumanggi muna siyang magbigay ng detalye.

At dahil sobrang busy ngayon sa trabaho si Solen, naiisip na ba nilang magpakasal ng kanyang Argentinean boyfriend na si Nico Bolzico?

Ayon kay Solen, wala pa raw sa isip niya ang magpakasal.

Masaya raw sila ngayon ng kanyang boyfriend at dalawang taon na raw silang magkarelasyon.

PS. for more Tootie-intriga, makinig po tuwing Lunes hanggang Saturday, 4:30 at Ladies Room every Saturday, 11:00-12:00 NN sa Super Radyo Dzbb 594KHZ. or maaari rin kayong makinig via online streaming http://www.gmanetwork.com/radio/streaming

follow me on twitter and instagram @ilokanonggwapo