Casts ng My husband’s lover na sina Tom Rodriguez at Kevin Santos, nakatatanggap ng indecent proposals?

Sunod-sunod na raw na nakatatanggap ng indecent proposal ang Kapuso Actor na si Tom Rodriguez mula sa mga tagong bading o mga binansagang closet queens.

Ito ay matapos umere ang pinag-uusapang teleserye na My husband’s lover na mula day one hanggang kagabi ay trending pa rin sa social networking site na twitter.

Ayon kay Tom, Nakatatanggap siya ng text message na nag-aalok ng malaking pera at mga mamahaling bagay kapalit ng panandaliang aliw.

Pero hindi raw pinatulan ni Tom ang mga alok na iyun.

Ayaw daw niyang ma-offend ang mga bakla na nag-aalok sa kanya kaya naman nireject niya ito in a nice way.

Hindi nga raw niya kayang tanggapin ang mga indecent proposal dahil kaya naman daw niya kumita sa pamamagitan ng sariling sikap.

Pero aminado si Tom na marami daw siyang kaibigan na bading mapa loud man o yung halata o yung discreet na gaya ng papel niya sa my husbands lover.

Samantala, Speaking pa rin ng indecent proposal ay hindi pa naman daw nakatatanggap na ganuong offer ang co-star ni Tom sa my husband’s lover na si Kevin Santos.

Si Kevin ang gumaganap na Danny sa naturang serye.

Aminado si Kevin na malaki ang nabago sa kanyang career simula nang gumanap siya bilang gay best friend ni Dennis Trillo sa My husband’s lover.

At ang nakakalurkey ay marami raw ang nagtatanong sa kanya lalong-lalo na sa twitter kung bading daw ba siya sa totoong buhay?

Nang makausap ko si Kevin sa Taping ng Mars ay sinabi nitong barakong-barako siya.

Convincing kasi ang pag-arte ni Kevin na bading sa naturang bekiserye.

Sabi niya sa akin, malaki raw ang naitulong ng kanyang mga kaibigan na beki dahil nakakakuha siya ng ideya, tulad na lamang ng pagsasalita ng bekimon.

"kapag may naririnig akong kakaibang salita ng bading na parang "ui ayos yun ah" , sinu-suggest ko kay Direk Dom (Zapata), at nag-ookey naman si Direk." - ani ni Kevin.

PS. for more Tootie-intriga, makinig po tuwing Lunes hanggang Saturday, 4:30 at Ladies Room every Saturday, 11:00-12:00 NN sa Super Radyo Dzbb 594KHZ. or maaari rin kayong makinig via online streaming http://www.gmanetwork.com/radio/streaming

follow me also on twitter and instagram @ilokanonggwapo