Darren Espanto debut album, gold na

Tila isang konsierto ang naganap sa press launch ng debut album ng The Voice Kids Philippines 1^st runner-up na si Darren Espanto noong February 17, 2015 sa Jollibee E-Rodriguez, Quezon City.

Hinarana nga ni Darren ang mga imbitadong press at magiliw itong sinagot ang lahat ng mga tanong.

Pagkatapos ng kanyang prescon ay nakapanayam via phone patch live ng inyong Yourstootie si Darren sa programang Walang Siesta ng Super Radyo dzBB.

Masayang-masaya nga raw si Darren dahil out na ang kanyang debut album na DARREN.

Kapansin-pansin ang pagiging unique ng cover nito dahil mukha itong komiks.

Ayon kay Darren..

“ang album ko po ay all original and first in the Philippines yung casing…para po siyang komiks brought to you by MCA Universal”

“MCA talaga ang nag-isip ng design ng album at kung ano ang magiging laman”

At dahil walo ang laman ng album ni Darren at lahat original, ano kaya ang pinakapaborito nito?

“Marami po, pero yung dalawang pinakagusto yung In Love Ako Saiyo at Stuck”

Ang In Love Ako Saiyo ang single ni Darren, kanino kaya niya ito inaalay?

“Siguro kay mommy nalang po”

Maaari rin kaya niyang sabihin ito sa kanyang crush?

“siguro po sa kanta muna dinadaan kasi ang love pwedeng maghintay”

Sa facebook ay may loveteam na rin na ginawa para kay Darren, ito ang “Cassren” kasama ang babaeng anak ni Carmina at Zoren Legazpi na si Cassy.

Hindi naman ikinakaila ni Darren na nagagandahan siya sa dalagita at alam daw ito ni Carmina.

Kaya naman ano kaya ang ihahandog niyang awitin para kay Cassy?

"Kung may kanta, siguro Count On Me kasi hindi naman siya maxado sa love saka pang-friend lang naman siya"

Kung papasukin na rin daw ni Darren ang pag-arte, si Cassy din daw ang gusto niyang makapareha, pero ayon sa kanya, mas pagtutuunan muna niya ang kanyang singing career.

“siguro sa future (papasukin ang acting) meron nilalakad ngayon pero ayaw ko munang sabihin baka hindi matuloy ….saka gusto ko ma-istablish ang pangalan ko bilang singer…tapos siguro sa future pwede na akong mag-acting…mag-musical”

Ang album ni Darren ay mabibili na sa lahat ng record bar at maaari rin itong idownload via sa Spinnr, iTunes and Spotify under MCA Universal.

Narito ang transcript of Audio ng panayam ng inyong Yourstootie kay Darren at nagpasampol din ito ng LIVE.

READ: http://chisms.net/darren-espanto-launches-his-first-solo-album/

Para sa pinakabagong showbiz balita, bisitahin ang www.chisms.net

I-like ang facebook account www.facebook.com/chismsphhttps://www.facebook.com/chisms

At ifollow niyo ako sa aking Instagram at Twitter account: @Yourstootie

-------------------------------------------------------------------------------------------------------------------