Jiro Manio, pagalagala at nanghihingi na lang ng pagkain sa NAIA

Nakitang pagalagala na lang sa NAIA terminal 3 ang multi-awarded actor na si Jiro Manio o Jiro Katakura sa toong buhay.

Batay sa mga security guard duon, humihingi na lang ng tirang pagkain si Jiro sa mga kainan sa paliparan.

Hindi rin maayos ang suot nito nang maabutan ng mga reporter.

Sa video na nasa ibaba ay tila nagulat ang dating child star nang lapitan siya ng mga mamamahayag.

Ngunit kalaunan ay pumayag na itong sagutin ang ilang mga katanungan.

Ayon kay Jiro, wala raw siyang matirahan kaya sa airport na ito namamalagi ng ilang araw.

Taong 2011 nang sumailalim sa rehabilitasyon si Jiro dahil sa pagkakalulong nito sa droga, ngunit hindi niya natapos ang kanyang pagpapagaling dahil sa kakapusan sa pera.

Nakilala si Jiro sa pelikulang Magnifico at nag uwi ng Best Actor trophy sa FAP at Gawad Urian at Best Supporting Acotor naman sa FAMAS dahil sa natatanging pagganap niya naturang pelikula.