Bromance sa PBB house, ikinabahala ng MTRCB

Ipinatawag ng Movie and Television Review and Classification Board (MTRCB) ang nasa likod ng reality program ng ABS-CBN na Pinoy Big Brother 737.

Ito'y dahil sa umano'y ikinikilos at namumuong bromance ng 12-year-old housemate na si Bailey May galing UK at 18 year-old Atenean athlete na si Kenzo Gutierrez.

Pinag-uusapan ang dalawang housemate sa social media dahil sa kanilang mga trending na video clips at screen shots picture sa loob ng PBB house.

Dahil sa sweetness ng dalawa ay may namuong loveteam, ang KenLey.

Hindi naman ikinatuwa ng MTRCB ang  bromance sa loob ng bahay ni Kuya dahil sa posibleng epekto raw nito sa mga manunuod lalong-lalo na sa mga kabataan.

Kaya naman may itinakdang pagdinig daw sa July 9 kaugnay dito.

Pictures not mine, credits to the owner